Heksekostsopp

Symptomer/skade

Angrep av Taphrina-artar fører til misvekst, fordi soppen forstyrrar hormonbalansen lokalt i treet. Typiske symptom er heksekostar (deformert vekstpunkt og tett skotvekst), blærer på bladverk, misforma skot eller misforma frukter.

Plommepung (Taphrina pruni) er vanleg på sortane ‘Mallard’ og ‘Edda’.

Ferskenblære (Taphrina deformans) er ein svært øydeleggjande sjukdom i ferskendyrking i fuktig klima. Bladverket får vablar, skota kan verta misforma og døy. Infeksjonane kan skje svært tidleg om våren, og soppen kan smitta vidare utover i sesongen, i fuktig vêr og temperaturar under 16 ℃, med optimale tilhøve for infeksjon under 10 ℃. Dersom det ikkje vert sett inn tiltak, kan det øydeleggja trea heilt.

Pæreblære (Taphrina bullata) gjev blærer på pæreblad. Det er ikkje ein viktig sjukdom i norsk pæredyrking.

Heksekost på søtkirsebær (Taphrina wiesneri) er ikkje så vanleg å sjå i kommersielle hagar, men i privathagar og eldre hagar som ikkje vert stelte kan sjukdomen gjera stor skade.

I tillegg er det også Taphrina-artar som er årsak til heksekost på bjørk og fleire andre lauvtre, og deformerte frukter på til dømes hegg.

                              Publisert: 2. mai 2011